Pas deklaratës së paimagjinueshme të nënës së 13-vjeçares në Greqi që solli në jetë fëmijën e përdhunuesit të saj, duke pretenduar se “ka shkuar me shumë persona”, tronditëse është edhe deklarata e motrës së të miturës duke thënë “të kemi kujdes”.
“Ne e morëm vesh që ajo ishte shtatzënë në muajin e gjashtë të shtatzënisë. E fshihte. Gjithsesi ajo vesh gjithmonë rroba të gjera, kështu që ne nuk e kuptuam. Nuk e di kush është babai. Unë u thashë të bënin një test të ADN-së dhe ata thanë se kushton para. Ajo thotë se as nuk e di se kush është ai”, tha motra 18-vjeçare e 13-vjeçares, e cila tashmë është e vendosur në një strukturë në Patra, si disa nga vëllezërit e motrat e saj.
Shiko Videon:
Siç bëhet e ditur, familja e 13-vjeçares përballet me shumë probleme dhe vështirësi financiare, ku motra e saj theksoi se problemi më i madh ishte babai i tyre, i cili tashmë ndodhet në burg.
Gjithashtu, e pyetur nëse një i afërm e ka ngacmuar seksualisht atë apo një nga vëllezërit e motrat e saj, vajza është përgjigjur negative, duke theksuar se nuk beson që një i afërm është babai i foshnjës së motrës së saj. “Lëreni motrën të ketë kujdes. Ajo kurrë nuk na dëgjonte, gjithmonë vepronte vetë”, përfundoi motra e 13-vjeçares.
Deklarata e paimagjinueshme e nënës së të miturës
Nëna e saj, pak ditë më parë, e pyetur se kush është babai i fëmijës 13-vjeçar, u përgjigj se nuk e dinte.
“Nuk e di i kujt është fëmija, shko me shumë. I ka ekspozuar njerëzit, i ka burgosur. Nuk dija asgjë, ajo nuk më tregoi sekretet e saj”, tha nëna e fëmijës.
Kronikat
Rasti horror nisi të zbardhej kur e mitura ngriti dyshime në ambientin e shkollës. Mësuesit thuhet se kuptuan se diçka nuk shkonte me 13-vjeçaren dhe në konsultim me drejtorin e shkollës, vajza 13-vjeçare iu nënshtrua analizave të gjakut si pjesë e një kontrolli të supozuar mjekësor parandalues për të gjithë fëmijët në shkollën ku ajo zbuloi shtatzëninë e avancuar.
Mobilizimi i Autoriteteve ka qenë i menjëhershëm, ku 13-vjeçarja u largua nga ambienti familjar dhe u transferua në maternitet në Athinë pasi gjendja e saj për shkak të moshës ishte kritike.
Pas ardhjes në jetë të vajzës 13-vjeçare, organet kompetente kanë nisur procesin e birësimit të foshnjës, ndërsa pritet konkluzioni zyrtar për atësinë e foshnjës.
E mitura e përket një familjeje greke, ku renditen gjashtë fëmijë, ku sipas dëshmive kanë jetuar të lënë pas dore, ndërsa banorët e zonës e kanë ndihmuar familjen me gjërat e nevojshme dhe veshmbathje. Babai i familjes ndodhet në burg për një çështje droge.
Vajza 13-vjeçare dyshohet se është përdhunuar nga një i afërm i saj, duke mbetur shtatzënë. Në fakt, vajza dyshohet se është abuzuar edhe pas lindjes nga një tjetër i afërm që e ka pritur në Athinë.
Megjithatë, në dëshminë e saj të parë, 13-vjeçarja ka treguar dy të huaj, të cilët dyshohet se e kanë dhunuar, pa përmendur përdhunimet nga dy të afërmit e saj. Të dy të huajt janë arrestuar. Ata pranuan se kishin kryer marrëdhënie me 13-vjeçaren, megjithatë mohuan akuzën e përdhunimit, duke theksuar se gjithçka ishte bërë me vullnetin e saj.